أبعاد الخفجي- عبدالمحسن ماهل:
رصدت عدسة أحد متابعي الصحيفة (ممن يسلكون طريق الخفجي السفانية بشكل يومي ) أثاراً للعبث والتفحيط الذي يمارسه الكثير من المراهقين على ذلك الطريق وبالتحديد في مفرق دخول الشاحانات للشركة , حيث أكد بأن مجموعات كبيرة ممن يطلقون على أنفسهم بالدرباوية يتفقون عن طريق مايسمى بالتوجيه ويحضرون الى ذلك الموقع ويقومون بالتفحيط وقيادة المركبات بسرعات جنونية حتى تتفجر الإطارات وأوضح أنهم يتواجدون في أوقات العصر وفي أوقات متأخرة من الليل ولايأبهون بخطورة الطريق والذي تسلكه الشاحنات الضخمة و مركبات موظفي السفانية ومشعاب من العسكريين وموظفي الشركات بل إنهم يتجمهورون ويقفلون الطريق أمام مستخدميه ويعطلون حركة السير في تحدي صريح للأنظمة وللجهات الأمنية المسؤلة, وطالب بأن يكون هناك وقفة صارمة من قبل الجهات الأمنية تجاه الأمر حتى يتم تلافيه.
التعليقات 10
10 pings
إنتقل إلى نموذج التعليقات ↓
المجهر
05/02/2013 في 10:12 م[3] رابط التعليق
الوضع ياسعادة المحافظ سيئ للغاية لدينا نحن مرتادي الطريق ؛ فالوضع من حين ﻵخر يزاد سوءآ بين أوساط هؤلاء الشباب هدانا الله وإياهم ، طريق رأس مشعاب امام حديقة أرامكوا كما هو موجود في الصور يوجد تجمع للشباب ليﻵ ومزاحمة المارة بشكل مخيف ويخبرني زميلي مرة أنه لم يستطع المرور حتى خرج عن الطريق !! فالوضع يحتاج وقفة صارمة منك حفظك الله فمحطة الخنيني وتقاطع العامودة مجمع يضج بالمفحطين بكل قلة أدب . شكرآ لكم ياصحيفة أبعاد.
المواطن
05/03/2013 في 2:51 م[3] رابط التعليق
لا تروحون بعيد عندنا في الخفجي عند دوار خادم الحرمين الشريفين الملك عبدالله بن عبدالعزيز
كل يوم الشباب والدرباويه تفحيط وتجمع وقلة أدب ليش يالمرور والشرطه توقفون وتشوفونهم
واذا مروا يوقفون ويسلمون عليهم ويمشون لانهم يعرفونهم
والظاهر الوضع هذا لايعلم عنه سعادة مدير المرور والشرطه
وكذلك المحافظ وين تطبيق أمر سمو وزير الداخليه ؟؟؟؟؟؟
خف جاوي للأبد
05/03/2013 في 5:57 م[3] رابط التعليق
نبي ساحة تفحيط وانتهت السالفه
معتزل
05/04/2013 في 12:26 ص[3] رابط التعليق
الوضع سى إلى متى
غير معروف
05/04/2013 في 12:43 ص[3] رابط التعليق
حنا درباويه راضين عن انفسنا
????
05/04/2013 في 10:18 م[3] رابط التعليق
والله انك صادق يا(خفجاوي للابد ) سوو ساحة تفحيط وخلوهم يطلعون الي بروسهم وانتهت السالفه
مجهول
05/05/2013 في 12:09 ص[3] رابط التعليق
ياخي المفروض فيه ساحه ومرور ودفاع مدني واسعاف والي يبي يجي يشوف حياه الله وتنضيم تراء الشعب السعودي فاهم ومثقف واتحيات الى الداره وجمال وهواجيس♡♡؟؟؟؟
علي الشمري
05/05/2013 في 3:32 م[3] رابط التعليق
السلام عليكم
عندي اقتراحات لمرور الخفجي
١/ الفتحة الي بعد مدخل الخفجي الي بين مقهي أبو هيثم وصالة أشبيليا لماذا لاتغلق نهائيا
٢/ انا من سكان كيلو ٨ والله العظيم ان شارع الستين فيه ازعاج من درباوية الخفجي مركبين اصوات وتفحيط ليش مايكون هناك مرور سري على شارع الستين او يخلون شباب متعاونين مع المرور ويصرف لهم مكافئة لهم
الفـيـدرالـي
05/06/2013 في 11:44 م[3] رابط التعليق
أنشاء حلبة مخصصة للتفحيط وهوايات الشباب وأنشاء سينما لكي يتمتع الشباب مثل دول الخليج وتنتهي المشكلة لاتلومونهم أذأ مافي شي يسليهم لانظحك على بعض نقول كل شي موفر الصحافة والأعلام يوجهون اللوم على الشاب اللي يمارس هوايته ويبرز طاقته يأخي وجه اللوم على الحكومه اللي ماوفرت للشاب اي نوع من الترفيه .
واقعي ..
05/07/2013 في 2:06 م[3] رابط التعليق
السلام عليكم ..
اممم اللي يبي ساحة تفحيط خل الحكومة على جنب فكر بربكك قدام اي شيء تسوية
التفحيط حرام وانتحار قال تعالى : ( ولا تلقوا بأيديكم إلى التهلكة )
انت تبي ساحة يمارس فيها الحرام وتجمع الشباب كلهم فيها والمقصد التفحيط ؟؟
والا التجمع شوفوني ياورعان ؟
رح البر فحط لما تقول بس صار لكك شيء محد درى عنكك لكن الحين ي مفحط انت ي كنق ؛
شف الازعاج اللي يجي وراكك شف كم واحد يدعي عليكك , وش نهايتها يعني
فلوسكك اللي تروح تضبيط وتنزيل وتواير وغيرها وغيرها , مو افضل لكك تصدق فيها وتاجر عليها والناس تدعي لكك مو عليكك ، فكروا ياناس فكروا ..
السينما ي بو وش قالوا لكك ؟؟ حنا بلاد الحرمين قبلة المسلمين لازم نطلع بابهى صورة
ننقل سيرة حسنة عن الدين والنبي علية الصلاة واتم التسليم .
مافيه في بيتكم تلفزيون ؟؟ تفرج لحالكك وسو اللي تبي مع نفسكك ي اخي جمع الشلل اللي تبي كلهم , فيه استراحات طيب اجر وتجمعوا قال سينما وتبي تتسلى بعد جب معك بالاستراحه ( اتاري ) ترا يسلي
الحمد لله شاب عمري 20 وماطلبت طلباتكم ذي ي اخي من نفسكك تحس انها فتنه
الله يهديكم بس وهدي الجميع
الا اتخيل نفسي عاصب الخرقة حقت الكفرات المصدية اقصد الشماغ ..,
وضارب مشوار 50 كيلو وعليها اتفرج ولا استعرض لعيون فلان
هه
اكبروا وكبروا عقولكم الى متى
هذي مي امور رجال …
لكن راحوا شباب اول . الايام ذي ينعدون ع الاصابع الشباب الطيب
ي حبيبي راحوا الطيبين
واذا من ناحية المرور ي رجال حاميها حراميها
نص المرور درباوية استر على من في الارض يستر عليك من في السماء
الا روح لبيته ونزل بدلته العسكرية طبعا وطلع بتاع الغنم الددسن الحمد لله والشكر بس
والمخالفات عادي اعرف فلان وعلان نضبطكك ي الخبل
ههه ؟؟..
ولا تبيها امرر حبيبي انت تامر بس تبي ساحة تبي سينما
خذ سيكل اخوكك وفحط بالحوش اسلم لكك واسلم لنا
بااايااات … واقعي ..
اعذرونا اذا فيه اخطاء ولا شيء الوقت ضيق .