أبعاد الخفجي – عامر المالكي:
في تصرف يثير الإستغراب عن مدى شعور مقاول بلدية محافظة الخفجي بالمسئولية والأمانة تجاه المشروع الذي جاء من أجله وهو جمع النفايات والتخلص منها وما قام به من تناقض يضع العديد من الإستفهامات حيث ألتقطت عدسة أحد المواطنين قيام المقاول بتصريف مياه المجاري الملوثة في مواقع سكنية خلف إسكان قوى الأمن الداخلي في المنطقة المقابلة لمشروع سوق الخضار الجديد –تحت الإنشاء-.
وذكر المواطن محمد عطيه الشمري لصحيفة أبعاد الخفجي الإلكترونية أنني تفاجأت بوجود الصهريج متوقف في مكان يثير الاستغراب اليوم الخميس في فترة الظهر وعند الاقتراب منها شاهدته يقوم بتصريف مياه المجاري في هذا المكان , وقد زودني سائق السيارة برقم المهندس المسئول عن المشروع –مصري الجنسية- الذي قال أننا نقوم بتصريف المياه في هذه المنطقة لأن المكان المخصص بعيد جداً , وطالب المهندس المسئول المواطن بعدم أثارة الموضوع .
من جهتها تواصلت صحيفة أبعاد الخفجي الإلكترونية مع رئيس بلدية الخفجي المهندس بندر السبيعي الذي وعد بتحري الأمر شخصياً واتخاذ أقصى العقوبات النظامية إذا ثبت ذلك.
التعليقات 14
14 pings
إنتقل إلى نموذج التعليقات ↓
ماجد الشمري
05/02/2013 في 3:54 م[3] رابط التعليق
ننتظر اقصى العقوبه
إسمك الكريم...
05/02/2013 في 7:33 م[3] رابط التعليق
وحششششششش
مراقب الخفجي
05/02/2013 في 7:35 م[3] رابط التعليق
السلام عليكم ورحمة الله وبركاته
هي بس مياه المجاري .. شوفو المخالفات في كل مكان مرمي وكل يوم يقولون تم رفع مخلفات وبلعكس كل يوم تكثر المخلفات … وصلت فيهم يرمونه مقابل المقبره حقة المسلمين بدون احترام الى الاموات ..حسبي الله ونعم الوكيل .. بس هذا كله في ذمة ريئس البلدية وين الجوالة الميدانيه …..
ونطلب من صحيفة ابعاد تصوير موقع المخالفات مقابل المقبره ونشره في الصحيفه لكي يتم محاسبة المخالف
محب الديره
05/03/2013 في 12:23 ص[3] رابط التعليق
أحب أعقب على تعقيب مراقب الخفجي ولا أظنه مراقب للخفجي ولا شاف التغيير الحاصل على كل نطاق بالمحافظه
ياأخوان لاتصيرون مثل الذباب مايحط إلاعلى الوسخ .. تتم إزالة المخلفات بشكل يومي منذ قرابة السنه وحملات إسبوعيه داخل الأحياء السكنيه مع حملات داخل الصناعيات وعلى الطرق السريعه والكورنيش وكل هذا لمين ممكن تقول لمين ؟؟؟؟؟؟؟؟؟؟؟؟؟؟؟؟؟
صارت ملاحظه للمقاول وقومت الدنيا ولاقعدتها يآخي روح للملاعب داخل الاحياء السكنيه والمخلفات إللي لو تشوفون يآهل الخفجي ارض فضاء ضاق الواحد منكم صدره .. لازم يحط فيها مخلفات .. تخللللللف وعدم الإحساس بالسؤوليه ولافيه حب صادق للبلد وأقول وأنا محب للديره والله لو يروح الواحد فيهم برا ينضبط ويصير محترم وملكي أكثر من الملك.
في نهاية الامر ياليت تحطون رب العالمين بين عيونك وأتق الله بكل كلمه تكتبها .
ابو فهد
05/03/2013 في 3:32 ص[3] رابط التعليق
احياء الخفجي وصلت لحاله يرثى لها ,وبلدية الخفجي لاتحرك ساكنا مع المقاولين المسؤلين عن النظافة , ماعدا تلك الصور اللتي تعرض من حين لآخر ويكتب عندها ( قبل و بعد ) . مع العلم انني تواصلت معهم ولكن لاحياه لمن تنادي ..
لذالك اعدكم بأذن الله ان هذا الموضوع سأطرحه على معالي امين المنطقة الشرقية الاسبوع القادم , مع الصور قبل عام وصور حديثة لنفس الأماكن واللتي تبين مستوى الأهمال بمحافظة الخفجي .
مراقب الخفجي
05/03/2013 في 5:11 ص[3] رابط التعليق
السلام عليكم ورحمة الله وبركاته
انا احب اوضح نقطه الى اخوي محب الديره انا كل كلمه قلته صادق فيها اطلع انت بنفسك الى موقع خلف المعارض القديمه والى الموقع مقابل المقبره وشوف المخالفات بعينك هذا وش يدل عليه؟؟؟ طبعا على الاهمال ،، وبعدين وين التغيرات الي تقوله،،،، كل الشوارع مكسره وكل الاحياء تفتقد النظافه في الشوارع الداخليه واكثر التركيز على الشوارع العامه في النظافه ،،، وبعدين كيف يدفنون الاراض خلف الاسكان في المخالفات ليه مافي دركال يخذون منه رمال نظيف ويدفنون فيه الاراض اصلا كل الحشرات ماتجي اله من المخالفات ،، وش الفايده يامحب الديره ،،، وفي مقاول حق التصريف في شارع الخمسين بالصناعية يضخ المياه في اماكن غير مخصصه ،،،وين التغيرات الحين وضح…
((( احب اقول الي يبي يكتب شي يكون صادق في قوله لانه كل كلمه يكتبها يكون مسوول فيها ااامام ااالله))) ..
فهد
05/03/2013 في 10:08 ص[3] رابط التعليق
لا حول ولا قوة إلا بالله
إلى متى هذا الإستهتار !؟
إن من يتحمل المسؤلية هم وجهاء الخفجي والمحافظ
محب الديره
05/03/2013 في 11:24 ص[3] رابط التعليق
فيه تقرير سابق للبلديه نشرته أبعاد كانت كمية المخلفات الخاصه للبناء بالعزيزية فقط أكثر من عشرين الف متر مكعب بمعنى آخر وبتبسيط يفهمه الكل لو توضع هذه الكميه بقلابيات متتابعه راح توصل من الخفجي لحد أبعد من السفانيه !!!!!!!!!!!!!!!!!!!!!! لاإله إلا الله …. كميه يمكن أكثر من مخلفات الدمام .. ممكن سؤال بسيط من الذي رماها ؟
وقيس على هذا بقية الأحياء .
لو تبي تحاسب حاسب كل رماها مهو من أزالها .. للأسف طريقة تفكيركم بالأمور وحسبتها غلط ياليت تعدلونها شوي واقول لأبو فهد سلملي على معالي الأمين وخله يركز على محطات البنزين وخصوصآ على طريق الجبيل الدمام .
راح الرئيس الأول الله يذكره بالخير وكان له الفضل بعد الله بتحسن الخفجي وتطويرها ولا شاف منكم يآهل الخفجي إلا كل إنتقاد وتجريح حتى حفل صغير كتوديع له مافيه .. والحين ماراح يسلم منكم الرئيس الحالي .. بس أقول للرئيس السبيعي وكل إللي معاه بالبلديه شدو الهمه ولا تلتفتون لها الناس لأنكم ماراح ترضونهم ولا من إنتقادهم اللاذع والغير منطقي
ابو جاسم
05/03/2013 في 4:07 م[3] رابط التعليق
اخي محمد عطية الشمري ياريت تتحري الصدق في اللي انت بتكتبوه لان الحوار اللي دار بينك وبين المهندس المصري كان في اطار مياه الامطار وانت الحين تقول انها مياه مجاري وبعدين اذا كنت تريد ان تبرز نفسك مايكون علي حساب مقاول النظافة لانك انت لو شوفت الناس دي بتتعب ازاي في ازالة المخلفات ما كنت اتكلمت ولا كلمة ويوم الاربعاء والخميس لو شفت مياه الامطار كانت تكاد ان توقف حركة السير تقدر تقولي كيف اترفعت وبدون انت ماتحس طبعا انت ماكتبت ولا صورت الشئ الايجابي لكن انت منتظر تتصيد الاخطاء اما بالنسبة لليقول ان الخفجي ماشهدت مستوي نظافة راقي من بداية العام اسمحولي اقوله انه ماهو عايش بالخفجي وتكفي شهادة محبي الديره وناس كتير حاسة بهذا المستوي من النظافة المتذايد يوم بعد يوم.
مراقب الخفجي
05/03/2013 في 5:28 م[3] رابط التعليق
مع احترامي الى الاخوان انا مالي اله الظاهر الذي اراء امامي امه كلام الجريد كثير واقوله ثاني مره اطلع انت بنفسك جواله يامحب الديره على الموقع الي ذكرته وشوفه بنفسك …
بس لاحياة لمن تنادي ….
اختم كلامي هذا ب حسبي الله ونعم الوكيل….
مساء الخيرر يابوفهد ..وانا ايدك يابوفهد انك تطرح الموضوع على الامين وتتطلب من الامين((( بتشكيل للجنه من الامانه يزرونا الخفجي ويشوفونا الاحياء السكنيه الداخلية مهو الشوارع الرئيسه )))..والله يوفقك يابوفهد ……
المطيري
05/03/2013 في 7:27 م[3] رابط التعليق
السلام عليكم
كم هو شيق الموضوع والاجمل التعليقات
اخواني من ناحية النظافه المعادله لها بين السكان والبلديه متساويه
لايشيل الحمل واحد منهم فقط
لو ان الانسان حافظ علي نظافة منزله لحافظ علي المتجمع الي يعيش بينهم
مع الاسف الشديد انه لايزال بيننا اناس يعيشون في تخلف تام وعدم التثقف
الحلول لهاذه المشكله
١ المدارس التي يدرس فيها ابنائنا تعليمهم وتثقيفهم عن النظافه
٢ اامة المساجد كلمه عن النظافه ( فاذكر فان الذكرى تنفع المؤمنين)
٣ زيادت الحاويات للنفيات
٤ تفعيل دور المخالفات من البلديه ومن المرور والشرطه
اذا تم الكلام فان الحصاد مدينه راقيه بالنظافه
محمد الشمري
05/03/2013 في 10:41 م[3] رابط التعليق
اخي ابو جاسم انت المهندس الي كلمته من كتابتك مبين انك لهجتك مصري بس انا راح اثبت كل شي وانا من سكان للخفجي
انا اشكر مدير البلديه علي تجاوبه مع الخبر اشكر صحيفه ابعاد الخفجي علي نشر الخبر
العطيعط
05/04/2013 في 6:11 ص[3] رابط التعليق
لا تكفون ما ينام المقاول ابو عرب من عقوبة مدير بلدية الخفجى
معتزل
05/05/2013 في 12:07 ص[3] رابط التعليق
حسبي الله ونعم الوكيل عليه وووووين البلديه عنه وين المسؤولين أنا اقول اعطوه اقصي عقوبه اللي مايخاف الله وصلت لمياه المجاري