أبعاد الخفجي – عامر عايض:
قررت اللجنة المنظمة لدوري عمليات الخفجي المشتركة لكرة القدم منع فريق بلدية الخفجي ولاعب الفريق مشعل بن فرحان العنزي من المشاركة في أي نشاط رياضي تقيمه عمليات الخفجي المشتركة لمدة عامين ,وذلك استناداً إلى تقرير حكم الساحة لمباراة فريق البلدية والهلال الاحمر الذي أقيمت يوم السبت 11-2-1435هـ.
وذكرت اللجنة المنظمة للدوري أنه بناءً على تقرير الحكم للجنة المنظمة لما تلفظ به اللاعب مشعل فرحان العنزي لاعب فريق البلدية بعد انتهاء مباراتهم مع فريق الهلال الأحمر ,التي أقيمت ضمن مباريات المربع الذهبي لدوري عمليات الخفجي المشتركة لكرة القدم من الفاظ نابية موجه لحكم الساحة و أعضاء اللجنة المنظمة لا تمس للأخلاق الرياضية بشيء ,فقد تقرر منع اللاعب مشعل العنزي وفريق البلدية من المشاركة في الأنشطة الرياضية التي تنظمها عمليات الخفجي المشتركة لمدة عامين ,كما سيتم تطبيق المادة (13) من شروط الدوري والتي تتضمن أنه في حالة وجود اي مخالفة غير اخلاقية او تعدي على الحكام او اللجان العاملة باي شكل من الاشكال من قبل اي لاعب او اداري فريق يتم اشعار دائرته رسمياً لاتخاذ اللازم وكذلك يتم ايقافه من قبل اللجنة المنظمة على حسب تقرير الحكم واللجنة الفنية وإذا استدعى الأمر يتم شطب الفريق بالكامل. حيث سيتم ارسال خطاب رسمي لإدارة البلدية عن طريق دائرة العلاقات العامة والحكومية بالشركة بهذا الامر.
منع مشاركة لاعب وفريق البلدية عامين عن أنشطة KJO الرياضية
المشاهدات : 2443
تعليق 23
تعجبني القرارات اللي على ناس و ناس
لا جديد الولد لعيب بس اخلاقه داخل الملعب تخرب عليه ….
ههههههه
ياخي ناصر صلبي العام الماضي تهااوش مع حكم المباراه
ورجال الأمن الصناعي وطلع من الملعب بالوسطات وحب
الخشووم ومااجاااه الا ايقااف مباراتين
ومشعععل شطب
اعيد و اكرر العقوبات على ناس و ناس
السلام عليكم رورحمة الله وبركاته
الي اللجنه المحترمه.
تعقيبآ علي ماذكرته. اللجنه بيقاف الاعب مشعل فرحان فهاذ بقرار وكتابة الحكم. بس ايقاف الفريق كامل. من المشاركه. هاذ اجحاف بحقهم. لن الي تكلم شخص واحد وتم ايقافه بس الفريق ماذنبه ؟؟؟؟
وراح تفقد الدورات. حماسها. وجمهورها. لني اشوف فريق عبدالله سعد له طابع خاص بالدوره لما فيه من روح المنافسه لفريق عمليات الخفجي المشتركه وارجو اعادة النظر باالإيقاف الفريق ..
وتقبلو خالص تحياتي &
غرامه ماليه وانتهى الوضع ممكن مظلوم
قرارت حلوووه
الأوقاف بعد المباراه الأولي مع الشركه (دور الأربعه)
تلفظ وتهجم علي الحكم وعلي اللجنه والي كانوا يهدونهم
لاعبين البلديه وماجاهم شي لا وأثناء مباراة البلديه
لاعبين الاوقاف يتقهون مع اللجنه
لجنننه غريبه حسب مصالحهم
ولا عشان فريق عبدالله هو الوحييد الي فااز عليهم وناشب لهم
رررروح ياااابو سععععد
قرارت صائبه وقرارات حاسمه تدرون ليييه لأن المتظرر فريق بطل
فريق حامل لقب البطوله الماضييه ( نوقفهم ونرتااااح )
والمخطء لاعب واحد فقط اوقف فريق كاامل (هههههه)
الاوقاف بعد مباراتهم مع الشركه تلفظ علي الحكم واللجنه وماجاهم
شي وكانوا يرددون غش ولا عشانه فريق الشركه
رساله ل عبدالله سعد ورفااقه لم يستطيعون ايقافكم بالملعب
فاوقفوكم بالتحااايل
الماده ١٣ من نظام الدوري..أي دوري؟
دوري الشركة؟ ام دوري الأندية السعودي؟ اقصد نظام رعاية الشباب ممكن التوضيح من قبل اللجنة؟
لاعب واحد اخطئ وتم شطب الفريق بالكامل ومنعه من اللعب مده عامين .. كذا احسن لكمم >> عشان ترتاحوون من فريق المبدع عبدالله سعد ورفاقه مده عامين تلعبون وتفوزون وومااحد ينافسكم ..؟؟
لاعب واحد اخطئ ..
وعوقب الفريق بأكمله بحرمانه من المشاركه مده عاممين ..
هكذا افضل لهمم .. (؟؟؟؟؟)
حتى يضمنو الفووز بالاعوام القادممه بدون منافسه ..
ياشباب هدوا شوي وافهموا القرار وبعدين علقو على كيفكم
منع فريق البلديه من المشاركه كاسم وليس كل اللاعبين بمعنى يحق لجميع أفراد الفريق المشاركه بأي اسم اخر
الإيقاف للاعب الواحد وليس الكل
هذا اللي حبيت أوضحه حسب ما فهمت من التقرير
فعلا ع ناس وناس ومشعل لاعب فنان يطربنا كجمهور ومو بس مشعل اللي يغلط لاعبين من kjo يغلطون ولا يعني المنظم وياخذ الكاس غصب
وش عندهم الماده 13 تقسيم 45 أنه في حالة ….. يتم شطب اللاعب ..
حنا أهالي الخفجي نسينا أنه يوجد ملعب لعمليات الخفجي ولشركة ارامكو لأعمال الخليج بالخفجي . لأنه لا يفتح الا بعد ما يرصد له ميزانية معينه ويتم إستهلاكها في أسبوعين ويتم تسكير الملعب ليه نضحك على بعض ، يفتح الملعب لنادي العلمين ومبارياتهم بالواسطه وأهالي الشركه والخفجي لا يلعبون الا أذا هناك دوري ولمدة أسبوعين بالكثير ويتم إغلاقه والعذر الصيانه .. والحين (( شطب ومادة )) أنا أقول يابلادي واصلي …
فريق البلديه جيد وفيه لعيبه لكن سوء الاخلاق عيب وين اللي يقول قائدالفريق ما يهدي الاعب والا فاضي يضرب كوع مسكين
االفريق فيه لعيبه من خارج الخفجي وغير سعوديين قمه بالاخلاق المشكله ماهي بالفريق المشكله بالاخ العزيز ******** ابو كوع
انا اناشد مدير البلديه باخذ قرار حازم لانهم يمثلون دائره حكوميه محترمه وابو فيصل مايرضى اسم البلديه ينهان بتصرفات صبيانيه مع العلم ان مدير البلديه وصله الموضوع بالكامل
مع احترامي للجميع
منذ مايقرب ال 47 عام لم اذكر ان الدورات الكرويه سجل لها نجاح في الخفجي لا من ناحية التنظيم ولا انظباط الفرق واللاعبين وكل شيئ فيه خنبقه وهوشات وتلاعب بالنتائج وغيره الكثير
بالنسبه لفريق الاوقاف … نعم كان فيه دخول لاعضاء الفريق والتوجه للحكم مباشره ..
والكلام اللي دار بينهم وبين الحكم .. (( ضلمتنا – ضلمتنا – مافيها شي ليه تحسبها فاول))
م اذكر ان حد سب الحكم .. ولا حتى تهجم على اي عضو في اللجنه .. حوار عادي حتى الحكم تقبله بكل روح رياضيه .. وهذا للتوضيح عشان ماحد ياخذنا .. بالكلام ويبني على الخطا بلبله يفهمها البعيد انه كلام صحيح ..!!
لاعب مميز وممتاز جدا لكن فيه بعض الغرور والنفسيه داخل الملعب لاعب مهاري وسريع ويفرق مع فريقه لكنه يخسر مجهوده ومجهود فريقه باخلاقه
واللي يقول ناصر صلبي العام ناصر مو مع الحكم مع ادراي الفريق اللي ضدهم وهذا الاداري غلط ع ناصر لكن ارجع واقول لاتلومون اللجنه لومو مشعل فهو سبب هذا
السبب فهم بعض الناس ان الشركة ضد فريق عبدالله سعد في كل شي وهذا لم اشاهده اطلاقاً والدليل فوزهم بالبطوله العام الماضي
بسم الله الرحمن الرحيم ..
الحمد لله والصلاة والسلام على رسول الله ..
التصرف اللي قام فيه اللاعب مشعل العنزي .. تصرف شخصي وخارج عن الاخلاق اولا وعن التحاي بالروح الرياضيه ثانيا ..
والكورة كلها فوز وخساره .. اليوم تفوز وبكرا تخسر .. ماله اي داعي تشوه صورتك قدام اللي موجودين من لاعبين ومن جمهور ..
يجب التحلي بالاخلاق الاسلاميه داخل الملعب وخارجه ..
اما شطب الفريق بالكامل وحرمانه من المشاركه عامين .. من وجهت نظري المتواضعه اشوف انه قرار فيه ظلم للفريق كامل .. وكلامي هذا مقصود فيه القرار وليسا اللي اصدر القرار ولا ندخل فيه نفوس البشر ..
الملعب ترى بحارة عنووز لا نزعل عليكم رجعو الفريق ههههه
بالعكس وضحت الرؤية غش غش
ام التصريف مايلعب مايلعب ههههه من الاساس ماتابعت الدوري ههه بس الالعاب النارية كلام اهم شي الحارة ههههه ازععاااااااااااااااج لو المعلب يتقسم اراضي اصرف وانتو روحوو على البحر اصنعووو مو تسوون اصنعو ملعب زي دانة قطر ههههههههههههههههههههه