هيئة الخفجي تقبض على شخصين ابتزوا فتاة بصورها

السلام عليكم ورحمة الله وبركاته وصل وسلم على حبيبنا ونبينا الكريم بعد التحيه .. اشكر ابعاد الخفجي على تقفي الامور وكشفها ونشرها واشكر كاتب هذا الخبر ولكن ..! اخـــي الكاتب او صحيفتنا العزيزه هل نرمي القنبله في طريقنا اما ان تفجر عدو فنربح او تفجر صديق ف نصمت هل أصبحت الأقلام تكتب ولا تبالي هل نزف الحبر رخيص .!! اتقوا الله وتذكروه حين نقف بين يديه فيما نقول او نكتب حسب علمي الصحيفه لا تُصدر او تنقل خبر الا متأكده وان الكاتب قبل نشره يتأكد من كلماته بما فيها من خدش او غيره وانتقاء الكلمات .. العناوين .. هي التي تجذب القراء فنكتب ما يشدهم ولكن ليس في امور المساس بالشرف او المساس بالسمعه .!! الغلط وارد من كل شخص ولا اريد ان أقول من الذي كان المذنب في هذا الطرح " الشيق الجميل الرائع " ما شاء الله عليكم .!! انني مُلم بالقضيه جداً واعلم خفاياها ولا اريد ذكرها .. ولكن لا ألوم القراء بردودهم ألوم الصحيفه الموقره والكاتب الفاضل .. للاسف الشديد البعض من الكُتاب او الصحف .. أصبحت تأخذ ما يطفو على السطح لتصبح الاولى في نشرها ولا تتعمق بالأمر لكي تكشف الحق لمن له الحق " للاسف الشديد " وفي اخر تعليقي .. أتمنى عدم شطب او مسح التعليق لان هذا المفيد اكثر من عنوانكم الشيق الذي لا يتمتع بالكلمات التي بُنيت عليه ..✋ استغفر الله من كل ذنب ولا حول ولا قوة الا بالله العلي العظيم ..

ماشالله ياكثر تعليقاتكم بهالموضوع والمواضيع الثانيه مالكم حس الله يثبتكم

(لا تحتقر شخص /د،عائض القرني) بويات ،فاسقات ، صايعات ، راعيه شباب ، رخيصات ، بنات الشوارع ، حرامي كان مسجون. ، أبوه قاتل ، ماله أصل ، سكّير ، موب قبيلي ! من أحّل لكم قذفهم بهذه الأسماء ? الالقاب ؟ تذكروا أن القذف من الكبائر ، حافظوا على أعمالكم فلهم رب سيحاسبهم فقط أحفظوا ألسنتكم .. قآل رسول الله صلّ الله عليه وسلم : " مَن عير أخاه ب ذنب لم يمت حتى يعمله " [ اللهم لا تشغلني ب خلقك ] نصيحتي ل نفسي ولك : ( لا تحتقر شخص ولو رأيته يعصي الله بأكبر الكبائر فقط ادعو له بالهدايه ، ف أنت لاتدري من سيكون يوم القيامة أقرب إلى الله أنت او هو... اتمنى تكون الفكككره وصلت!!!!

ههههههههههههههههه تلوني اعجبتني الكلمه لاعاد تفزع عشان مايتلونك

يستاهلون و حقهم وما جاهم و الله يكتب اجرهم . انا حصل لي موقف قبل عيد الاضحى بيوم واحد شفت واحد يغازل بنات محتشمات با السوق و ما قدرت امسك نفسي و تضاربت معه بس المصيبه ان رجل من الهيئه جاني و قال مالك شغل حنا موجودين و حنا المسولين عن بنات العالم هينا طبعنا رديت عليه و قلت له اي حده محتشمه با السوق تعتبر اختي و تهاوشت معه وتلوني لشرطه ههههههههههه وعدا الموضوع على خخير .

العفو (الهوى شمالي ) ..شكرا لك انت ايضاًا)!

بنت ذاك الامير .... فايز الدهمشي وفيتوا وكفيتوا .. عن ألف أجابه لمايدور .. مشكورين ..

المهلي مايولي يالربع

اولاََ البنت وش اللي خلاها ترسل صورها المفروض مثل ماقالت بنت ذاك الامير ﻻزم ﻓي عقاب للبت اللي وهذآ تعليقي والسلام عليكم ورحمة الله وبركاته

لاحول ولا قوة الا بالله هذي هي الهيئة تعاوني معنى يابنت ونطيح بالشباب والعنوان الستر للبنت والعقوبه لشباب . يعني خذي راحتك يابنت العبي وانبسطي ولا طفشتي تعاوني مع الهيئه هناك مبتـز وافرحي يالهيئه خططي وسوي كمين واقبضي على الشباب يعني هذا مو نجاح ولا حل . كم شفنا وسمعناا من القضايا هذي البنت تسوي وتفعل وتدمر معهاا ضحايا من الشباب ولا خافت من اهلهاا راحت يم الهيئه علشان تحمي نفسهاا من اهلها لان الهيئة اول شي يضمنون لها ما يعرفون اهلها عن اي شي وابو سروال وفنيلة لله دره يروح فيهااا . السؤال البنت وش عقوبتهاا هناا ؟ الشاب معروفه عقوبته سجن فصل من الوظيفه تشهير جلد العقوبه على الاثنين البنت والشاب والستر على الاثنين ( من ستر على مسلم ستر الله عليه يوم القيامة ) اسأل الله الستر على كل شاب وفتاة واتمنى مواضيع مثل هذي تبقئ عند رجال الهيئة ولا تطلع للعلام لان ما نعلم وش الحقيقه ومن والصح والخطاء كل الي اعرفه الحين ان الشاب مجرم والبنت مسكينة < قد تكون سكينة وضحيتهاا شاب وقد يكون العكس مووودتي للبواسل رجال الحق والعدل والحقيقه ياكمين ياستخبارات انتو ههههههه

46 Ashwaq alanazi..كلامك صحيح شكرا على هالنصائح ..

اختي المسلمه كونــــــــي قويه فليس في حيـــــــــاتــك من يحبك اكثــــــر من ابوك واخوك وان بخلا عليك بالكلمات العاطفيه ولكن قلوبهم لتكاد تفيض من الحب والحنان والدليل لو اصابك شئ لكانا اول من اســــرعا اليك وانقذاك وماعســــــاه ان يفعل ذالك الرجل الذي تكلميه على الهاتف او تواعديه ســـوى ان يفيض لك بالكلمات ليس لحب في قلبه ولكن لسانه اعتاد ان يتصيد كل الفتيات فيريـــــد الايقاع بك الى كل مـــــن دخلت موضوعي وهي تفعل هذا الشــــــــئ وقرات كلماااااااااااتي اقول لها بعبارات صادقه نابعه من قلبي وبلهجه عاميه عشان تدخل قلبك تكفـــــــــــين تذكري ان فوقــــــــك الله تكفيـــــــن تذكري والديك تكفيـــــــــن تذكري اخوتك لاتخلـــــــــــي الشاب يضحك عليك والله ماسمح لنفسه انه يكلمك الا لمصلحة له وياليت تكون مصلحته الزواج وهذا من سابع المستحيلات .

اخ فهد رجعت علقت من جديد ونفس الحكاية الإملاء. الله يهديك بس.

ومهما صار انا بنت وأوقف مع الحق..

رايك وانتي حره فيه وقفي مع البنات وشغلت كثرة ردودي هذا شي راجع لي انا ...ابي اطلع اللي في قلبي فيها شي ...وانتهى الموضوع على قولتك ..