الخميس, 8 ذو الحجة 1443 هجريا.
العشاء
07:16 م

صحيفة أبعاد الأخبارية - أخبار الخفجي | تقارير مجتمع مقالات و أحداث

خمسة عشر شايب ..!

خمسة عشر شايب ..!
المشاهدات : 6529
التعليقات: 0
https://www.alkhafji.news/?p=904

مشبب البشري
بسم الله الرحمن في مبتدء القاف= من قبل ما استرسل وورد كلامي
الناس تمدح في زمان لنا طاف= ولاحد على الماضي كلامه يلامي
امس العصر عديت في راس مشراف = لاني بلا جايع ولا ني بضامي
يقودني هاجوس متعب ونواف = ويعيدني للخلف عام وعامي
وابحث كلام الناس من كل محراف = في مدحهم ماضي الزمن بالاسامي
احد يقول الوقت هذا تكلاف =واحد يقول الوقت الاول سلامي
واحترت بين اثنين لاجاهم خلاف = حيره ومغزى داخله باهتمامي
قررت ادور شايب عاش الاسلاف= واخذ علومه كامله بالتمامي
واظهر بها للي جهل ما بعد شاف = عن قصة الماضي وشد الحازمي
رحت الشمال وجبت علم بلا وصاف= ورحت الجنوب وجبت علم تمامي
وغرب البلد جيته وسطه ولاطراف = وشرق البلد جيته على ما يرامي
خمسة عشر شايب عطوا علم واهداف=والكل منهم يستحق الوسامي
قالو ا زمان فات وسنينه عجاف =اخير من ذا الوقت واخذ الكلامي
الوقت الاول ما به اشكال واصناف =الادامي محشوم قدر ومقامي
الوقت الاول ساير الناس عراف =وعرف القبايل بينهم في نظامي
الجار والعاني ومن صابه اخلاف =يلقاء الفرج في سلم شرق وشامي
والشايب اليا كبر والحال منحاف = تلقاء الولد والبنت عنده شمامي
عين تفرش له وعين له الحاف=ما منهم الي حط دونه لثامي
ومن حج بيت الله على الكتف يطاف=البرمن فطرة خوال وعمامي
والمجلس اللي فيه شايب ومضياف= ما يقطع هروجه بعيد المرامي
وحرابنا ما يلحقه هرج حذاف = يبقا عصامي وان هزمنا عصامي
وبنت العرب تارد ولاحد بها حاف =لو كان تمسي بالفلاء ما تضامي
والجوع نصبر له ونربط بالانجاف=حتى ولي الكون يجلي الظلامي
وسلاحنا خنجر وبندق ومعطاف=وسيف حدب والقوس راعي السهامي
واهل الغنم والبل والزرع مجداف =ماهم بسحب الدلو يد وسنامي
اقلوبنا يا ناشد عننا انظاف=الصدق مبدانا ولابه حرامي
خمسة عشر شايب عطوا علم واهداف=والكل منهم يستحق الوسامي

التعليقات (٠) أضف تعليق

أضف تعليق

بريدك الالكترونى لن نقوم بأستخدامه.

You may use these HTML tags and attributes:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.