[caption id="attachment_174073" align="aligncenter" width="166"]
الشاعر حمد الدليهي[/caption]
لاباس ياعيني من الحزن لاباس
شفتي وباقي في زمانك تشوفين
شعر الرثاء لو قلته اخماس واسداس
ماينجبر خاطر ولاتهتني عين
مات الزعيم اللي فضوله على الناس
خيره كسا شعب الوطن والمقيمين
عبدالله اللي سيرته ترفع الراس
دوم نتفاخر فيه حينٍ بعد حين
من مات واعطونا خبر قطع الانفاس
نمسي ونصبح من وفاته حزينين
غلاه وسط صْدورنا ماله قْياس
ماينمحي لو طالت سنين وسنين
تواضعه معنا خذيناه نوماس
عفويته للشعب صارت عناوين
عهده سما واصبح لنا فيه نبراس
عزز مكانتنا مابين البلادين
عسى جنان الخلد له بيت ولباس
ويصير بالفردوس .. له قولوا امين
حمد الدليهي
التعليقات 2
2 pings
جميل عيد الصبيح .من منطقة حايل مدينة اﻷجفر يحيي اهل الخفجي دامت افراحكم وكل عام والجميع بخير
01/28/2015 في 7:21 م[3] رابط التعليق
صح لسانك يابو محمد( حمد الدليهي) مرثية رايعة في رجل رايع حبيب الشعب عبدالله رحمة الله عليه
مشعل صقر الخالدي
01/29/2015 في 2:37 ص[3] رابط التعليق
اللهم امين
صح لسانك يابو محمد دائماً مبدع
امثالك نتنومس بطاريهم ونفتخر فيك