تقرير بالفيديو: العمالة السائبة في الخفجي بشارع مكة.. ظاهرة تدق ناقوس الخطر

هاذي المشكلة في جميع انحاء العالم وانا اراها طبيعية كونها تعتبر تنفس في الاسعار وتصب في مصلحة المستهلك

قطعتوا أرزاقهم بسبب تقريركم السابق يا أبعاد الخفجي. يشتغلون بالرخيص,, أنا نقلت عفش بيتي عن طريق 2 منهم يشتغلون بنقل العفش بشارع مكه ب250 ريال وثاني مرة ما جوا معي للأسف علشان كانوا مشغولين ، جبت شركه نقلت نفس العفش ولمسافة أقرب ب 1500 ريال

لو ما فيه هالعماله من اللي يشتغل لنا ،، وبعدين وينكم عن مجموعة العماله المخالفين للأنظمه امام مصلخ الخفجي العام بسوق الماشيه وما احد قادر عليهم

والله اللي بشارع مكةمهي سالفة رواتب ولاهم يشتغلون برواتب بل بالعكس رغم وقوفهم بالشارع يدورون رزقهم لكن شهريا يدفعون 400ريال للكفيل سواء اشتغل والا بكيفو

الوضع الاقتصادي دفع الكفلاء لتخيير العماله بين الخروج النهائي او الصبر على عدم دفع الرواتب مما دفع العماله للبحث عن مصدر رزق لا نشجع ذلك ولكن الواقع يفرض نفسه

يا رجل اذا تبي تناقش مشكلة ناقش كل ابعادها ليش ما ذكرت الكفلاء بس هادول المساكين اللي يدورون الرزق قطع الاعناق و لا قطع الارزاق تحرجون العالم و تصورهم الله يهديك

فعلأآ امر يجب حله .لكن اتمنى من الصوت المصاحب للتقرير .ان يستخدم مرة اخرى .فلتر صوتي . عشان الهواء

مساكين يترزقون الله لا حول ولا قوة إلا بالله العلي العظيم

خلنا نكون صراحين معضم العماله على كفالة اهلي الخفجي والجوازات لاتستطيع القبض عليهم خوفن من الاحراج هذا الصحيح مع الاسف

اقسم بالله فيه واحد باكستاني عليه قضيه هروب واختلاس من كفيله بجده وجلس العامل بالخفجي 4 سنين وحاب يرجع لديرته اكثر من مره يسلم نفسه للجوازات وينطرد منهم ما يبون يستلمون اي عامل مخالف ولا يعرف السبب نتمنى ان تصل الرساله لسعادة محافظ الخفجي

شكرا على هاالتقرير ولكن الامر هذا على مستوى المملكه وفى جميع المناطق وشاهر ظاهر والسبب عدم تطبيق النظام بمكتب العمل والجوزات لكن لو لقدر الله صارت لك مشكله مع اى واحد من هولاء قامت الدنيا عليك وصلر له كفيل وله حقوق وهو اساسا مخالف للنظام