قصيدة رثاء في جهز عوض المطيري رئيس بلدية سلوى والذي توفي اثر حادث مروري على طريق ابرق الكبريت الخفجي يوم الجمعه7 – 6- 1439هـ
مات رجالٍ ماهو عندي رخيص
له علي معروف ماانساه وجميل
في جهز حزني غدى حزنٍ خليص
وانتثر دمعي وصدقت الرحيل
حجم الارض اصبح كبر كُم القميص
من خبر موته على نشره دليل
سيرته خضراء ماهي سيرة بحيص
ليت عمره صار بالدنيا طويل
كامل الفزعات مايفزع نقيص
مايعوض فيه من حط ويشيل
حرٍ ينومس صقاقير القنيص
نادرٍ ماله مع العالم مثيل
نبع جوده يشبه إلْحوض الخريص
ياعسى الفردوس مثواه البديل
الشاعر /حمد الدليهي
الله يرحمة ويوسع منازله ونعم الرجل
رحمه الله رحمة واسعة وأسكنه الفردوس
عرفته مصليا مبتسما وجارا كريما
الله يرحمه ويسكنه جنات النعيم ونعم هذا الرجل رحمك الله ياأباالوليد وأسكنك جنات النعيم
الله يقوينا علي فقدنك لم يكون اخو فقط بل اب
التعليق
الله يرحمه ويرحم اموات المسلمين
الله يرحمه ويغفر له ويدخله الجنة …
الله يرحمه جهز المطيري رجل خلوق وبشوش وخدوم وصافي النيه الله يسكنه فسيح الجنان اللهم امين
انشهد انه فقيده الأخ جهز المطيري الله يرحمه ويصبرنا على فراقه
الله يرحمه يغفرله يسكنه الجنه
الله يرحم المهندس جهز المطيري فعلا افتقدناه مهما نقول فيه مانوفيه حقه
رحمة الله عليه واسكنه فسيح جناته