كورونا الخفجي

الزيارات: 2820
تعليق 13
كورونا الخفجي
حمد الدليهي
يذاع الخبر والناس كلٍ يشوته شوت
ياليت الخبر مافيه ودوا ولا جابوا
ولانعلم  اللي فيه اشاعه وفيه ثبوت
وسائل بعض الإعلام حابوا ولاحابوا
كُورونا غزى الخفجي وصرنا نشوف الموت
يزيد العدد بين اشتباهات وان صابوا
احد مات فيها واحدٍ راح بالتابوت
توفوا ثلاثه والمصابين ماطابوا
فتك بالاوادم وانتشر يشبه الطاغوت
مصير  البشر  في واحدٍ فيه ماخابوا
نواسيك يالخفجي ولاطاح غصن التوت
جميع الاطباء شمروا لك ولا هابوا
غدت كن مافيها سواعد وكسب القوت
لثام الوقايه رمز للي بها نابوا
حزينه شوارعها وخف الزحم والصوت
تنشّد عن اللي عن مساحاتها غابوا
يمر النهار وينتهي يومها مكبوت
من المشهد اللي صار  من شافه رْتابوا
نمر المداخل والمخارج وبس سكوت
شعور الاهالي من قبل شيبهم شابوا
غدى العمر بعيون الاوادم غدى محتوت
من الهول واللي يسمعون ولقوا ذابوا
اقوله وانا شاعر لاشامت ولا مشموت
ولاني من  اللي ثاروا الوضع وغتابوا
الشاعر : حمد الدليهي

التعليقات (١٣) اضف تعليق

  1. ١٣
    زائر

    لا ينبغي نشر مثل هذه الاشعار المحبطة والمثيرة للذعر بين السكان. يجب ندعو للتفاؤل والله الحافظ

    • ١٢
      زائر

      الأخ الشاعر الوقت هذا ماهو وقت قصائد بالمرض والناس متئهبه ومذعورة من هذا المرض تجي انت وتقصد بعد يأخي نحن بحاجه لدعاء للمصابين وان الله يبعد هذا المرض وينتهي على خير بدون وفيات
      قلت المناسبات عندك إلا بالمرض هذا

  2. ١١
    زائر

    جزاك الله خير
    صح لسانك
    الله يعدي الازمه على خير

  3. ١٠
    زائر

    صح لسانك وكلامك واقع المستشفئ كله وصخ حتا دورات المياه متقدر ندخلها لاتعقيم ولا اهتمام حسبي الله ونعم الوكيل وش ذنب الناس المراجعين

  4. ٩
    زائر

    صح لسانك ياشاعر الخفجي
    وان شاءالله مايشوفون شر أهل الخفجي الأعزاء

  5. ٨
    واحد من ابناء صنيتان

    مامن ازمه انتم الي مسوينها ازمه والموت الي تفرون منه لملاقيكم

  6. ٧
    زائر

    عشنا اسبوع كئيب وما عرفنا الصحيح والمدارس فارغة والشوارع الله يحفط الجميع

    الله

  7. ٦
    زائر

    لست شاعر مواقف شاعر تزلف هو وقته

  8. ٥
    زائر

    تفاؤلو بالخير تجدوه عند الله

  9. ٤
    المرسله ليان

    تفاؤلو بالخير تجدوه عند الله

  10. ٣
    أبناء الخفجي

    كورونا غزى الخفجي وصرنا نشوف الموت اتق الله يارجل هههههههههههنلقاها من الأشاعات ولا من قصيدتك ههههههههههههه

  11. ٢
    ضيف انشاء

    ماتستاهلون يااهل الخفجي بس عندكم ناس تكبر وتنفخ في قربه مشقوقه وناس طبل وناس تزمر والله البعض من يدعي انه كاتب اواعلامي اوشاعر لايقول الواقع وانا حسب ماشهت اواسمع من الكثير الواقع غير واكبر دايل الله يحفطكم من مرض كروناء

  12. ١
    زائر

    لا يجوز هذا الكلام اخي الشاعر

    ربي يحفظ الجميع .. ويشفي المرضى

اضف تعليق

بريدك الالكترونى لن نقوم بأستخدامه.

You may use these HTML tags and attributes:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.