أدركو العشر الاواخر

الزيارات: 856
تعليقات 8
أدركو العشر الاواخر
نواف الفهاد

معقول باقي من الشهر .. 10 أيام ؟؟
معقول .. راحت منه …. 20 ليلة ؟؟

شفتوا أجل ..؟؟ مرت بنا مثل الأحلام
ما من جديد و كلّـن .. يعيش جيله

اللي معانا العام هـ العام ما صـــام
منهو .. ضمن مستقبله وش يجيله ؟؟

في جيلنا .. مادامت لـ جيش صدّام
و في جيلهم .. وين أبرهة وين فيله ؟؟

كذا الحياة .. تمرّ عام ٍ ورى عام !
كم فرّقت … بين الخليل … و خليله

شف الليالي .. كم تقضـّـت بـ الأعوام ..
وحنـّـا نقول أن الليالي … طويله

ياخوي صحصح عندنا لك خبر هام
نصّ الأماني .. في الحقيقة قتيــله

دنياك هذي .. حزن و جروح و أوهام ..
ومالك على دنياك .. مكرن و حيــله

كم واحد ٍ .. ودّع حبيبه وسط خام ..
وعلى حبيبه .. حدّر الدمع سيـــله

بكى فراقه .. !! .. مرّت أيام ما نام !!
بكى .. و روحه من فراقه عليـــله

لكن .. نسى .. إنه كذا .. بعد أيام ..
نفس الأيادي .. يمّ قبره تشيـــــله

يارب عفوك .. قبل تلتف الأقــــدام …
يوم الخليل .. يخون عشرة خليله

ويا رب ثبـّتنا .. على دين الإســـلام ..
واللي خذاه الطيش تهدي سبيـــــله

أقولها .. والعمر .. لو طال ما دام
وإعرف سنين العمر ياخي .. قليله

والحين .. باقي من الشهر .. 10 أيام ..
طالبك .. عوّض فيه 20 … ليله ..!

الشاعر : نواف الفهاد

التعليقات (٨) اضف تعليق

  1. ٨
    زائر

    الله صح الله السانك

  2. ٦
    زائر

    صح السانك ابوراكان

  3. ٥
    زائر

    مبدع يابوراكان

  4. ٤
    عبدالله المحيميدي

    شعرا وافي من شخص وافي صح لسانك

  5. ٣
    دخيل سند

    صح لسانك ابو راكانمعبرة جداً

  6. ٢
    فرحان الفدعاني

    صح لسانك يا ابو راكان وكل عام وانت بخير

  7. ١
    الرويلي

    صح لسانك يابو راكان كفو عليك

اضف تعليق

بريدك الالكترونى لن نقوم بأستخدامه.

You may use these HTML tags and attributes:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>