نذرا معك سلمان

الزيارات: 1366
تعليقات 10
نذرا معك سلمان
أحمد صالح اللحيد

بصدورنا نذرا عن الدار وانذود
حزمٍ يشوش وراية الدين حنّا

يابوفهد عزمك عواصيف وارعود
وحنّا معاك اعزومنا ماتنثّا

ارعد بهم جعل المهافي بهم زود
خل ايتناثر خوفهم مستجنّا

سلمان بك عدلك على الناس مشهود
وبك امة الاسلام شاهت تغنّا

فيك الملوك وفيك ياوزنة العود
عودٍ رِكز بالدين راية وطنّا

عود(ن) تمتناها مواريث واجدود
كبد السما كفّخ لها ماتونّا

يوم استوت له فوق مع طنخة النود
مستلفت(ن) نجد ولها مستكنّا

ومابين بحرين العرب يرسم حدود
واطهر بقاع الارض منّا ومنّا

حوّل بها مضاربه الدين والكود
تقدح مرامي نظرته مستجنّا

نجد(ن) بها له حق والحق مردود
الحق حكم(ن) وارثه ماتجنّا

عبدالعزيز وياعساهالك اسهود
وامهود في جنّات ربي تهنّا

وجد العزيز الي به العهْد معقود
سيف(ن) على وجه المعادي يسَنّا

ولي عهد المملكة نسخة العود
زيزومها الصمصام زبن المجنّا

عدّ(ن) لابوسلمان ماهوب معدود
عد(ن) مغيره للمعالي تسنّا

قرم(ن) يبل اكبود ويفتت اكبود
جعل الحسود بهافياته يدنّا

حنّا معاه اليا بغانا بلا هود
كانه بغاها للثريا تبنّا

بعروقنا تنبض مواثيق واعهود
امن المهاد اليا نلف بكفنّا

أحمد صالح اللحيد

التعليقات (١٠) اضف تعليق

  1. ١٠
    ابو العز

    صح لسانك يابوصالح والله ينصر الاسلام والمسلمين وينصر جنودنا ع الحدود …

  2. ٩
    زائر

    كيف حال الوالد والعم حمود ؟.. سلم عليهم

  3. ٨
    زائر

    ابو عبد العزيز وش هالابداع ماشاء الله

  4. ٧
    زائر

    صح الله لسانك يبوعبدالعزيز
    جزله ووافيه

  5. ٦
    زائر

    صح لسانك و اعتلى شانك

  6. ٥
    زائر

    والله ونعم ابوعبدالعزيز صح لسانك

  7. ٤
    زائر

    كفو وصح لسانك طال عمرك

  8. ٣
    ابو محمد

    كفو يبن لحيد وصح الله لسانك , اللهم احفظ بلادنا واحفظ قادتنا

  9. ٢
    سعود العتيبي ( فارس بلا جواد )

    صح لسانك، أعجبتني مع انه يبدو من اختيارك لموارد الكلمات ان قادر على افضل من ذلك.
    أتمنى لك التوفيق.

  10. ١
    ابو زايد الحربي

    ماشاءالله ابيات جميله ورائعه وصح لسانك
    (اللهم اجعل هذا البلد امنا مستقرا وارزق اهله من الثمرات )

اضف تعليق

بريدك الالكترونى لن نقوم بأستخدامه.

You may use these HTML tags and attributes:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.