بصدورنا نذرا عن الدار وانذود
حزمٍ يشوش وراية الدين حنّا
يابوفهد عزمك عواصيف وارعود
وحنّا معاك اعزومنا ماتنثّا
ارعد بهم جعل المهافي بهم زود
خل ايتناثر خوفهم مستجنّا
سلمان بك عدلك على الناس مشهود
وبك امة الاسلام شاهت تغنّا
فيك الملوك وفيك ياوزنة العود
عودٍ رِكز بالدين راية وطنّا
عود(ن) تمتناها مواريث واجدود
كبد السما كفّخ لها ماتونّا
يوم استوت له فوق مع طنخة النود
مستلفت(ن) نجد ولها مستكنّا
ومابين بحرين العرب يرسم حدود
واطهر بقاع الارض منّا ومنّا
حوّل بها مضاربه الدين والكود
تقدح مرامي نظرته مستجنّا
نجد(ن) بها له حق والحق مردود
الحق حكم(ن) وارثه ماتجنّا
عبدالعزيز وياعساهالك اسهود
وامهود في جنّات ربي تهنّا
وجد العزيز الي به العهْد معقود
سيف(ن) على وجه المعادي يسَنّا
ولي عهد المملكة نسخة العود
زيزومها الصمصام زبن المجنّا
عدّ(ن) لابوسلمان ماهوب معدود
عد(ن) مغيره للمعالي تسنّا
قرم(ن) يبل اكبود ويفتت اكبود
جعل الحسود بهافياته يدنّا
حنّا معاه اليا بغانا بلا هود
كانه بغاها للثريا تبنّا
بعروقنا تنبض مواثيق واعهود
امن المهاد اليا نلف بكفنّا
أحمد صالح اللحيد
التعليقات 10
10 pings
إنتقل إلى نموذج التعليقات ↓
ابو العز
07/22/2019 في 11:19 ص[3] رابط التعليق
صح لسانك يابوصالح والله ينصر الاسلام والمسلمين وينصر جنودنا ع الحدود …
زائر
07/22/2019 في 4:17 م[3] رابط التعليق
كيف حال الوالد والعم حمود ؟.. سلم عليهم
زائر
07/23/2019 في 12:09 ص[3] رابط التعليق
ابو عبد العزيز وش هالابداع ماشاء الله
زائر
07/23/2019 في 7:22 ص[3] رابط التعليق
صح الله لسانك يبوعبدالعزيز
جزله ووافيه
زائر
07/23/2019 في 10:17 ص[3] رابط التعليق
صح لسانك و اعتلى شانك
زائر
07/24/2019 في 6:28 ص[3] رابط التعليق
والله ونعم ابوعبدالعزيز صح لسانك
زائر
07/25/2019 في 8:28 ص[3] رابط التعليق
كفو وصح لسانك طال عمرك
ابو محمد
07/25/2019 في 12:53 م[3] رابط التعليق
كفو يبن لحيد وصح الله لسانك , اللهم احفظ بلادنا واحفظ قادتنا
سعود العتيبي ( فارس بلا جواد )
07/29/2019 في 7:37 ص[3] رابط التعليق
صح لسانك، أعجبتني مع انه يبدو من اختيارك لموارد الكلمات ان قادر على افضل من ذلك.
أتمنى لك التوفيق.
ابو زايد الحربي
07/30/2019 في 8:05 ص[3] رابط التعليق
ماشاءالله ابيات جميله ورائعه وصح لسانك
(اللهم اجعل هذا البلد امنا مستقرا وارزق اهله من الثمرات )