ماني سياسي ولا افهم بالسياسه كثير
لكن عقبه كورونا كل شي افهمه
اصبحت دكتور طب اشرح عن اللي يصير
والكل في حاجته والمجتمع يزهمه
واصبحت انا اكبر محلل ضمن طاقم كبير
جتني فراسه ومثلي خالقه ملهمه
والغرب كل اقتصاده صرت فيه الخبير
والشرق الاوسط اميّز قسمته واسهمه
والوضع احطه سهل والوضع احطه خطير
واللون الادهم مااشوفه لو يبين ادهمه
واحط هذا غني واحط هذا فقير
مستقبل الأمتين ابيّضه واجهمه
حمد الدليهي
